Moderne Familiehuis in Landelike omgewing te koop in Orange Grove Landgoed, waar daar slegs vier wooneenhede is.
Dit is stapafstand van Tyger Valley College en die CVO skool. Tygerpoortt Laerskool is 5-7 minute se ry afstand, verskeie ander skole in die Silver Lakes omgewing en 5 minute se ry vanaf inkopiesentrums en die Wilgers Hospitaal.
Hierdie plaasstyl woning van 345 m2 op 'n 1 800 m2 erf bied die volgende:
'n Ingangportaal, met 'n aangrensende toe studeerkamer, wat lei na 'n oopplan-leefarea en moderne kombuis met dubbelvolume, oop dakkappe en antieke vuurhertstofie.. Afsonderlike toe waskamer en opwasarea, asook 'n ruim inloop-spens.
Die eetkamer of stoep met 'n ingeboude braai en skuifdeure maak oop na 'n goed ontwerpte tuin en wingerdbedekte boma-braai vir gesins- en vriendekuiers.
3 slaapkamers met 2 badkamers en ‘n gastetoilet. Die hoofslaapkamer is en-suite met 'n aantrekkamer. Addisionele studeerkamer of naaldwerkkamer.
Daar is 3 motorhuise met plafonne en aparte toesluitstoorkamer. ‘n Hoë-ingang dubbeldeur om 'n woonwa te akkommodeer, plus 'n geplaveide ry-ingang.
Energie-doeltreffende kenmerke sluit in 'n 10 kW Solarstelsel, asook ‘n 'n 20-amp-voorafbetaalde Tshwanekrag rugsteun. Die sekuriteit is goed met afstandbeheerde ingangshekke, alarmsisteem, beams en volledige elektriese omheining.
Die tuin is professioneel uitgelê en skep ‘n huislike, groen atmosfeer. Groot inheemse bome soos Wildesering, Blomolien, Karee en Witstinkhout, sowel as sewe olyfbome en verskeie vrugtebome in produksie. Geniet 'n oorvloedige voëllewe met meer as 80 aangetekende spesies in die tuin en omliggende areas.
Gryp hierdie geleentheid aan vir 'n vreedsame, luukse plattelandse leefstyl net 10 minute buite die Stad.
